Table Of Content
श्री व्यंकटेश स्तोत्र मराठी - Lyrics in Marathi
श्रीगणेशाय नमः । श्री व्यंकटेशाय नमः ।
ॐ नमो जी हेरंबा ।सकळादि तूं प्रारंभा ।
आठवूनि तुझी स्वरुपशोभा । वंदन भावें करीतसे ॥ १ ॥
नमन माझे हंसवाहिनी । वाग्वरदे विलासिनी ।
ग्रंथ वदावया निरुपणी । भावार्थखाणी जयामाजी ॥ २ ॥
नमन माझे गुरुवर्या । प्रकाशरुपा तूं स्वामिया ।
स्फूर्ति द्यावी ग्रंथ वदावया । जेणें श्रोतया सुख वाटे ॥ ३ ॥
नमन माझे संतसज्जना । आणि योगियां मुनिजनां ।
सकळ श्रोतयां सज्जना । नमन माझे साष्टांगी ॥ ४ ॥
ग्रंथ ऐका प्रार्थनाशतक । महादोषासी दाहक ।
तोषूनियां वैकुंठनायक । मनोरथ पूर्ण करील ॥ ५ ॥
जयजयाजी व्यंकटरमणा । दयासागरा परिपूर्णा ।
परंज्योति प्रकाशगहना । करितों प्रार्थना श्रवण कीजे ॥ ६॥
जननीपरी त्वा पाळिलें । पितयापरी त्वां सांभाळिले ।
सकळ संकटापासूनि रक्षिलें । पूर्ण दिधलें प्रेमसुख ॥ ७ ॥
हें अलोलिक जरी मानावें । तरी जग हें सृजिलें आघवें ।
जनकजनीपण स्वभावें । सहज आलें अंगासी ॥ ८ ॥
दीनानाथा प्रेमासाठी । भक्त रक्षिले संकटी ।
प्रेम दिधलें अपूर्व गोष्टी । भजनासाठी भक्तांच्या ॥ ९ ॥
आतां परिसावी विज्ञापना । कृपाळुवा लक्ष्मीरमणा ।
मज घालोनी गर्भाधाना । अलौकिक रचना दाखविली ॥ १०॥
तुज न जाणतां झालों कष्टी । आतां दृढ तुझे पायीं घातली मिठी ।
कृपाळुवा जगजेठी । अपराध पोटीं घालीं माझें ॥ ११ ॥
माझिया अपराधांच्या राशी । भेदोनि गेल्या गगनासी ।
दयावंता हृषीकेशी । आपुल्या ब्रीदासी सत्य करीं ॥ १२ ॥
पुत्राचे सहस्त्र अपराध । माता काय मानी तयाचा खेद ।
तेवीं तू कृपाळू गोविंद । मायबाप मजलागी ॥ १३ ॥
उदडांमाजी काळेगोरे । काय निवडावें निवडणारे ।
कुचलिया वृक्षांची फळें । मधुर कोठोनि असतील ॥ १४ ॥
अराटीलागीं मृदुला । कोठोनि असेल कृपावंता ।
पाषाणासी गुल्मलता । कैसियापरी फुटतील ॥ १५ ॥
आपादमस्तकावरी अन्यायी । परी तुझे पदरीं पडिलों पाहीं ।
आतां रक्षण नाना उपायीं । करणें तुज उचित ॥ १६ ॥
समर्थाचिये घरीचे श्र्वान । त्यासी सर्वही देती मान ।
तैसा तुज म्हणवितों दीन । हा अपमान कवणाचा ॥ १७ ॥
लक्ष्मी तुझे पायांतळी । आम्ही भिक्षेसी घालोनि झोळी ।
येणे तुझी ब्रीदावळी । कैसी राहील गोविंदा ॥ १८ ॥
कुबेर तुझा भांडारी । आम्हां फिरविसी दारोदारीं ।
यांत पुरुषार्थ मुरारी । काय तुजला पैं आला ॥ १९ ॥
द्रौपदीसी वस्त्रें अनंता । देत होतासी भाग्यवंता ।
आम्हांलागी कृपणता । कोठोनि आणिली गोविंदा ॥ २० ॥
मावेची करुनी द्रौपदी सती । अन्ने पुरविलीं मध्यरातीं ।
ऋषीश्र्वरांच्या बैसल्या पंक्ती । तृप्त केल्या क्षणमात्रें ॥ २१ ॥
अन्नासाठी दाही दिशा । आम्हा फिरविसी जगदिशा ।
कृपाळुवा परमपुरुषा । करुणा कैसी तुज न ये ॥ २२ ॥
अंगीकासा री या शिरोमणी । तुज प्रार्थितो मधुर वचनीं ।
अंगीकार केलिया झणीं । मज हातीचे न सोडावें ॥ २३ ॥
समुद्रे अंगीकारिला वडवानळ । तेणें अंतरी होतसे विव्हळ ।
ऐसें असोनि सर्वकाळ । अंतरी सांठविला तयानें ॥ २४ ॥
कूर्में पृथ्वीचा घेतला भार । तेणे सोडिला नाहीं बडिवार ।
एवढा ब्रह्मांड गोळ थोर । त्याचा अंगीकार पै केला ॥ २५ ॥
शंकरे धरिलें हाळाहळा । तेणे नीळवर्ण झाला गळा ।
परी त्यागिले नाही गोपाळा । भक्तवत्सला गोविंदा ॥ २६ ॥
माझ्या अपराधांच्या परी । वर्णितां शिणली वैखरी ।
दुष्ट पतित दुराचारी । अधमाहूनि अधम ॥ २७ ॥
विषयासक्त मंदमति आळशी । कृपण कुव्यसनी मलिन मानसीं ।
सदा सर्वकाळ सज्जनांसी । द्रोह करी सर्वदा ॥ २८ ॥
वचनोक्ति नाहीं मधुर । अत्यंत जनासी निष्ठुर ।
सकळ पामरांमाजीं पामर । व्यर्थ बडिवार जगी वाजे ॥ २९ ॥
काम क्रोध मद मत्सर । हें शरीर त्यांचे बिढार ।
कामकल्पनेसी थोर । दृढ येथे केला असे ॥ ३० ॥
अठरा भार वनस्पतींची लेखणी । समुद्र भरला मषीकरुनी।
माझे अवगुण लिहितां धरणीं । तरी लिहिले न जाती गोविंदा ॥ ३१ ॥
ऐसा पतित मी खरा । तरी तूं पतितपावन शारङ्गधरा ।
तुवां अंगीकार केलिया गदाधरा । कोण गुणदोष गणील ॥ ३२ ॥
नीचा रतली रायासीं । तिसी कोण म्हणेल दासी ।
लोह लागतां परिसासी । पूर्वस्थिती मग कैंची ॥ ३३ ॥
गांवीचे होते लेंडवोहळ । गंगेसी मिळतां गंगाजळ ।
काकविष्ठेचे झाले पिंपळ । तयांसी निंद्य कोण म्हणे ॥ ३४ ॥
तैसा कुजाति मी अमंगळ । परी तुझा म्हणवितो केवळ ।
कन्या देऊनियां कुळ । मग काय विचारावे ॥ ३५ ॥
जाणत असतां अपराधी नर । तरी कां केला अंगीकार ।
अंगीकारावरी अव्हेर । समर्थें केला न पाहिजे ॥ ३६ ॥
धांव पाव रे गोविंदा । हाती घेवोनिया गदा ।
करी माझ्या कर्मांचा चेंदा । सच्चिदानंदा श्रीहरी ।।३७।।
तुझिया नामाची अपरिमित शक्ती । तेथे माझी पापे किती ।
कृपाळुवा लक्ष्मीपती । बरवे चित्ती विचारी ।।३८।।
तुझे नाम पतितपावन । तुझे नाम कलिमलदहन ।
तुझे नाम भवतारण । संकटनाशन नाम तुझे ।।३९।।
आता प्रार्थना ऐक कमळापती । तुझे नामी राहो माझीमती मती।
हेंची मागतो पुढत पुढती । परंज्योती व्यंकटेशा ।।४०।।
तू अनंत तुझी अनंत नामे । तयांमाजी अति सुगमे ।
ती मी अल्पमती प्रेमे । स्मरूनी प्रार्थना करीतसे ।। ४१।।
श्रीव्यंकटेशा वासुदेवा । प्रद्युम्ना अनंता केशवा ।
संकर्षणा श्रीधरा माधवा । नारायणा आदिमूर्ती ।।४२।।
पद्मनाभा दामोदरा । प्रकाशगहना परात्परा ।
आदि अनादि विश्वंभरा । जगदुद्धारा जगदीशा ।।४३।।
कृष्णा विष्णो ह्रीशिकेषा । अनिरुद्धा पुरूषोतम्मा परेशा ।
नृसिंह वामन भार्गवेशा । बौद्ध कलंकी निजमूर्ती ।। ४४।।
अनाथरक्षका आदिपुरुषा । पूर्णब्रह्म सनातन निर्दोषा ।
सकळमंगळ मंगळाधीशा । सज्जनजीवना सुखमूर्ती ।।४५।।
गुणातीता गुणज्ञा । निजबोधरूपा निमग्ना ।
शुध्द सात्विका सुज्ञा । गुणप्राज्ञा परमेश्वरा ।।४६।।
श्रीनिधी श्रीवत्सलांछनधरा । भयकृदभयनाशना गिरिधरा ।
दुष्टदैत्यसंहारकरा । वीरा सुखकरा तू एक ।।४७।।
निखिल निरंजन निर्विकारा । विवेकरवाणी वैरागरा ।
मधुमुरदैत्यसंहारकरा । असुरमर्दना उग्रमूर्ती ।।४८।।
शंखचक्र गदाधरा । गरुडवाहना भक्तप्रियकरा ।
गोपीमनरंजना सुखकरा । अखंडित स्वभावे ।।४९।।
नानानाटकसूत्रधारिया । जगद्व्यापका जगद्वर्या ।
कृपासमुद्रा करुणालया । मुनिजनध्येया मूळमूर्ती ।।५०।।
शेषशयना सार्वभौमा । वैकुंठवासिया निरूपमा ।
भक्तकैवारिया गुणधाम । पाव आम्हां ये समयी ।।५१।।
ऐसी प्रार्थना करुनि देवीदास । अंतरी आठविला श्री व्यंकटेश ।
स्मरता ह्रिदयी प्रकटला ईश । त्या सुखासी पार नाही ।।५२।।
ह्रिदयी आविर्भवली मूर्ती । त्या सुखाची अलौकिक स्थिती ।
आपुले आपण श्रीपती । वाचेहाती वदवीतसे ।।५३।।
‘ते’ स्वरूप अत्यंत सुंदर । श्रोती श्रवण कीजे सादर ।
सांवळी तनु सुकुमार । कुंकुमाकार पादपद्मे ।।५४।।
सुरेख सरळ अंगोळिका । नखें जैसी चंद्ररेखा ।
घोटीव सुनीळ अपूर्व देखा । इंद्रनिळाचियेपरी ।।५५।।
चरणी वाळे घागरिया । वांकी वरत्या गुजरिया ।
सरळ सुंदर पोटरिया । कर्दळीस्तंभाचियेपरी ।।५६।।
गुडघे मांडिया जानुस्थळ । कटीतटी किंकिणी विशाळ ।
खालते विश्वउत्पत्तिस्थळ । वरी झळाळे सोनसळा ।।५७।।
कटीवरते नाभिस्थान । जेथोनि ब्रह्मा झाला उत्पन्न ।
उदरी त्रिवळी शोभे गहन । त्रैलोक्य संपूर्ण जयामाजी ।।५८।।
वक्ष:स्थळी शोभे पदक । पाहोनि चंद्रमा अधोमुख ।
वैजयंती करी लखलख । विद्युल्लतेचियेपरी ।।५९||
ह्रिदयी श्रीवत्सलांछन । भूषण मिरवी श्रीभगवान ।
तयावरते कंठस्थान । जयासी मुनिजन अवलोकिती ।।६०।।
उभय बाहुदंड सरळ ।नखें चंद्रापरीस तेजाळ ।
शोभती दोन्ही करकमळ । रातोत्पलाचीयेपरी ।।६१।।
मनगटी विराजती कंकणे । बाहुवटी बाहुभूषणे ।
कंठी लेइली आभरणे । सूर्यकिरणे उगवली ।।६२।।
कंठावरुते मुखकमळ । हनुवटी अत्यंत सुनीळ ।
मुखचंद्रमा अतिनिर्मळ । भक्तस्नेहाळ गोविंदा ।।६३।।
दोन्ही अधरांमाजी दंतपंक्ती । जिव्हा जैसी लावण्यज्योती ।
अधरामृतप्राप्तीची गती । ते सुख जाणे लक्ष्मी ।।६४।।
सरळ सुंदर नासिक । जेथे पवनासी झाले सुख ।
गंडस्थळीचे तेज अधिक । लखलखीत दोहीं भागी ।।६५।।
त्रिभुवनीचे तेज एकवटले । बरवेपण सिगेसि आले ।
दोन्ही पातयांनी धरिले । तेच नेत्र श्रीहरीचे ।।६६।।
व्यंकटा भृकुटिया सुनीळा । कर्णद्वयाची अभिनव लीळा ।
कुंडलांच्या फांकती कळा । तो सुखसोहळा अलौकिक ।।६७।।
भाळ विशाळ सुरेख । वरती शोभे कस्तुरीटिळक ।
केश कुरळे अलौकिक । मस्तकावरी शोभती ।।६८।।
मस्तकी मुकुट आणि किरीटी । सभोवती झिळमिळ्याची दाटी ।
त्यावरी मयूरपिच्छांची वेटी । ऐसा जगजेठी देखिला ।।६९।।
ऐसा तू देवाधिदेव । गुणातीत वासुदेव ।
माझिया भक्तीस्तव । सगुणरूप झालासी ।।७०।।
आतां करू तुझी पूजा । जगज्जीवना अधोक्षजा ।
आर्ष भावार्थ हा माझा । तुज अर्पण केला असे ।।७१।।
करूनि पंचामृतस्नान । शुद्धामृत वरी घालून ।
तुज करू मंगलस्नान । पुरुषसूक्तेकरूनियां ।।७२।।
वस्त्रे आणि यज्ञोपवीत । तुजलागी करू प्रीत्यर्थ ।
गांधाक्षता पुष्पे बहुत । तुजलागी समर्पू ।।७३।।
धूप दीप नैवेद्य । फल तांबूल दक्षिणा शुद्ध ।
वस्त्रे भूषणे गोमेद । पद्मरागादिकरुनी ।।७४।।
भक्तवत्सला गोविंदा । ही पूजा अंगीकारावी परमानंदा ।
नमस्कारुनी पादारविंदा । मग प्रदक्षिणा आरंभिली ।।७५।।
ऐसा षोडशोपचारे भगवंत । यथाविधि पूजिला हृदयांत ।
मग प्रार्थना आरंभिली बहुत । वरप्रसाद मागावया ।।७६।।
जयजयाजी श्रुतिशास्त्रआगमा । जयजयाजी गुणातीत परब्रह्मा ।
जयजयाजी हृदयवासिया रामा । जगदुद्धारा जगद्गुरू ।।७७।।
जयजयाजी पंकजाक्षा । जयजयाजी कामळाधीशा ।
जयजयाजी पूर्णपरेशा । अव्यक्तवक्ता सुखमुर्ती ।।७८।।
जयजयाजी भक्तरक्षका । जयजयाजी वैकुंठनायका ।
जयजयाजी जगपालका । भक्तांसी सखा तू एक ।।७९।।
जयजयाजी निरंजना । जयजयाजी परात्परगहना ।
जयजयाजी शुन्यातीत निर्गुणा । परिसावी विज्ञापन एक माझी ।।८०।।
मजलागी देई ऐसा वर । जेणें घडेल परोपकार ।
हेंचि मागणे साचार । वारंवार प्रार्थीतसे ।।८१।।
हा ग्रंथ जो पठण करी । त्यासी दु:ख नसे संसारी ।
पठणमात्रे चराचरी ।विजयी करी जगाते ।।८२।।
लाग्नार्थियाचे व्हावें लग्न । धनार्थीयासी व्हावें धन ।
पुत्रार्थियाचे मनोरथ पूर्ण । पुत्र देऊनि करावे ।।८३।।
पुत्र विजयी आणि पंडित । शतायुषी भाग्यवंत ।
पितृसेवेसी अत्यंत रत । जयाचे चित्त सर्वकाळ ।।८४।।
उदार आणि सर्वज्ञ । पुत्र देई भक्तालागून ।
व्याधिष्ठांची पीडा हरण । तत्काळ कीजे गोविंदा ।।८५।।
क्षय अपस्मार कुष्ठादि रोग । ग्रंथपठणे सरावा भोग ।
योगाभ्यासियासी योग । पठणमात्रे साधावा ।।८६।।
दरिद्री व्हावा भाग्यवंत । शत्रूचा व्हावा नि:पात ।
सभा व्हावी वश समस्त । ग्रंथपठणेकरुनिया ।।८७।।
विद्यार्थियासी विद्या व्हावी । युद्धी शस्त्रे न लागावी ।
पठणे जगात कीर्ति व्हावी । साधु साधु म्हणोनिया ।।८८।।
अती व्हावे मोक्षसाधन । ऐसे प्रार्थनेसी दीजे मन ।
एवढे मागतो वरदान । कृपानिधे गोविंदा ।।८९।।
प्रसन्न झाला व्यंकटरमण । देवीदासासी दिधले वरदान ।
ग्रंथाक्षरी माझे वचन । यथार्थ जाण निश्चयेसी ।।९०।।
ग्रंथी धरोनि विश्वास । पठण करील रात्रंदिवस ।
त्यालागी मी जगदीश । क्षण एक न विसंबे ।।९१।।
इच्छा धरोनि करील पठण । त्याचे सांगतो मी प्रमाण ।
सर्व कामनेसी साधन । पठण एक मंडळ ।।९२।।
पुत्रार्थियाने तीन मास । धनार्थियाने एकवीस दिवस ।
कन्यार्थियाने षण्मास । ग्रंथ आदरे वाचवा ।।९३।।
क्षय अपस्मार कुष्टादि रोग । इत्यादि साधने प्रयोग ।
त्यासी एक मंडळ सांग । पठणेकरूनि कार्यसिद्धी ।।९४।।
हे वाक्य माझे नेमस्त । ऐसे बोलिला श्रीभगवंत ।
साच न मानी जयाचे चित्त । त्यासी अध:पात सत्य होय ।।९५।।
विश्वास धरील ग्रंथपठणी । त्यासी कृपा करील चक्रपाणी ।
वर दिधला कृपा करुनी । अनुभवे कळो येईल ।।९६।।
गजेन्द्राचिया आकांतासी । कैसा पावला हृषीकेशी ।
प्रल्हादाचिया भावार्थासी । स्तंभातूनी प्रगटला ।।९७।।
वज्रासाठी गोविंदा । गोवर्धन परमानंदा ।
उचलोनिया स्वानंदकंदा । सुखी केले तये वेळी ।।९८।।
वत्साचे परी भक्तांसी । मोहे पान्हावे धेनु जैसी ।
मातेच्या स्नेह्तुलनेसी । त्याचपरी घडलेसे ।।९९।।
ऐसा तू माझा दातार । भक्तांसी घालिसी कृपेची पाखर ।
हा तयाचा निर्धार । अनाथनाथ नाम तुझे ।।१००।।
श्रीचैतन्यकृपा अलोकिक । संतोषोनि वैकुंठनायक ।
वर दिधला अलोकिक । जेणे सुख सकळांसी ।।१०१।।
हा ग्रंथ लिहिता गोविंद । या वचनी न धरावा भेद ।
हृदयी वसे परमानंद । अनुभवसिद्ध सकळांसी ।।१०२।।
या ग्रंथीचा इतिहास । भावें बोलिला विष्णुदास ।
आणिक न लागती सायास । पठणमात्रे कार्यसिद्धी ।।१०३।।
पार्वतीस उपदेशी कैलासनायक । पूर्णानंद प्रेमसुख ।
त्याचा पार न जाणती ब्राह्मादिक । मुनि सुरवर विस्मित ।।१०४।।
प्रत्यक्ष प्रगटेल वनमाळी । त्रैलोक्य भजत त्रिकाळी ।
ध्याती योगी आणि चंद्रमौळी । शेषाद्रीपर्वती उभा असे ।।१०५।।
देवीदास विनवी श्रोतयां चतुरां । प्रार्थनाशतक पठण करा ।
जावया मोक्षाचिया मंदिरा । काहीं न लागती सायास ।।१०६।।
एकाग्रचित्ते एकांती । अनुष्ठान कीजे मध्यराती ।
बैसोनिया स्वस्थचित्ती । प्रत्यक्ष मूर्ति प्रगटेल ।।१०७।।
तेथें देह्भावासी नुरे ठाव । अवघा चतुर्भुज देव ।
त्याचे चरणी ठेवोनि भाव । वरप्रसाद मागावा ।।१०८।।
इति श्रीदेवीदासविरचितं श्रीव्यंकटेशस्तोत्रं संपूर्णम
।।श्री व्यंकटेशार्पणमस्तु ।।
Vyankatesh Stotra English - Lyrics In English
Shri Ganeshaay Namah | Shri Venkateshaay Namah |
Om Namo Ji Heramba | Sakaladi Tu Prarambha |
Aathavooni Tujhi Swaroopshobha | Vandana Bhave Karito Se || 1 ||
Naman Maze Hansavahini | Vaagvarade Vilasini |
Granth Vadaavaya Nirupani | Bhaavarthakhaani Jayaamaji || 2 ||
Naman Maze Guruvaraya | Prakashrupa Tu Swamiya |
Sphoorti dyaavi Granth Vadaavaya | Jene Shrotaya Sukh Vaate || 3 ||
Naman Maze Santasajjana | Ani yogiyam Munijanam |
Sakal Shrotayam Sajjana | Naman Maze Sashtaangi || 4 ||
Granth Aika Prarthanaashatak | Mahadoshasi Daahak |
Toshuniya Vaikunthanayak | Manorath Poorna Karil || 5 ||
Jayajayaaji Venkatramana | Dayasaagara Paripoorna |
Paramjyoti Prakashgahana | Karito Prarthana Shravan Kije || 6 ||
Jananipari Tva Palile | Pitayapari Tva Sambhale |
Sakal Sankataapasooni Rakshile | Poorn Dihle Premsukh || 7 ||
He Alolik Jari Manave | Tari Jag He Srijile Aaghve |
Janakjanipan Swabhaven | Sahaj Ale Angasi || 8 ||
Dinanatha Premasaathi | Bhakta Rakshile Sankati |
Prem Dihle Apoorv Goshti | Bhajanasathi Bhaktanchya || 9 ||
Ata Parisavi Vijnanapana | Krupaluva Lakshmiramana |
Maj Ghaloni Garbhadhana | Aloukik Rachana Dakhvili || 10 ||
Tuj Na Janata Zalo Kashti | Ata Drudh Tujhe Payi Ghatli Mati |
Krupaluvva Jagjethi | Aparadh Poti Ghali Mazhe || 11 ||
Mazhiya Aparadhanachya Rashi | Bhedoni Gelya Gaganasi |
Dayavanta Hrishikeshi | Apulya Bredasi Satya Kari || 12 ||
Putrache Sahasra Aparadh | Mata Kay Mani Tayacha Khed |
Tevi Tu Krupalu Govind | Mayabap Majalagi || 13 ||
Udadajaji Kalegore | Kay Nivadave Nivadanare |
Kuchaliya Vrukshanachi Phale | Madhur Kothoni Asatil || 14 ||
Arati Lagi Mrudula | Kothoni Asel Krupavanta |
Pashansi Gulmalta | Kasiyapari Futtatil || 15 ||
Apadamastakavari Anyayi | Pari Tujhe Padrin Padilo Pahi |
Ata Rakshan Nana Upaye | Karane Tuj Uchit || 16 ||
Samrathacheya Ghari Che Shravan | Tyasi Sarvahi Deti Man |
Taisa Tuj Mhanvito Deen | Ha Apmaan Kavanacha || 17 ||
Lakshmi Tujhe Payantali | Amhi Bhikheshi Ghaloni Jhholi |
Yene Tujhi Bredavali | Kaisi Rahil Govinda || 18 ||
Kuber Tujha Bhandari | Amhaa Firvisi Darodari |
Yanti Purusharth Murari | Kay Tujhla Pae Aala || 19 ||
Draupadisi Vastre Ananta | Det Hotasi Bhagyavanta |
Amha Lagi Krupanta | Kothoni Aanilee Govinda || 20 ||
Mavachi Karuni Draupadi Sati. Anne Puravili Madhyarati.
Rushishvaranchya Baisalya Pankti. Trupt Kelya Kshanamatre. || 21 ||
Annasaathi Dahi Disha. Amha Firavisi Jagdisha.
Kripaluva Parampurusha. Karuna Kaisi Tuja Na Ye. || 22 ||
Angikasa Ri ya Shiromani. Tuja Prarthito Madhur Vachani.
Angikar Keliya ZhaNee. Maj Hatichya Na Sodave. || 23 ||
Samudre Angikarila Vadavanal. Tene Antari Hotase Vivhal.
Aise Asoni Sarvakal. Antari Santhavila Tayane. || 24 ||
Kurmen Prithvicha ghatala bhar. Tene Sodila Nahin Badiwar.
Evadha Bramhand Gol Thor. Tyacha Angikar Pai Kela. || 25 ||
Shankre Dharilen Halahala. Tene Nilvarna Zhala Gala.
Pari Tyagile Nahin Gopala. Bhaktavatsala Govinda. || 26 ||
Mazhya Apradhanchya Pari. Varnitan Shinli Vaikhari.
Dushta Patit Durachari. Adhamauni Adham. || 27 ||
Vishayasakta Mandmati Alashi. Krupan Kuvasani Malin Manasi.
Sada Sarvakal Sajjanansi. Droh kari Sarvada. || 28 ||
Vachnokti Nahin Madhur. Atyant Janasi Nishthur.
Sakal Pamaranmaji Pamar. Vyarth Badiwar Jagi Vaje. || 29 ||
Kam Krodh Mad Matsar. He Shariir Tyanchi Bidhar.
Kamkalpenesi Thor. Driddha yethe kela ase. || 30 ||
Athara Bhar Vanaspatinchya Lekhani. Samudra Bharla Mashikaruni.
Mazhe Avagun Lihitana Dharani. Tari Lihile Na Jati Govinda. || 31 ||
Aisa Patit Mi Khara. Tari Tu Patitpavan Sharangadhara.
Tuva Angikar Keliya Gadadhara. Kon Gunadosh Gani. || 32 ||
Nicha Ratli Rayasi. Tisi Kon Mhanel Dasi.
Loh Lagatan Parisaasi. Purvasthiti Mag Kaichi. || 33 ||
Gaviche Hote Lendvohal. Gangesi Miltatan Gangajal.
Kakavishteche Zhale Pimpal. Tayasi Nindy Kon Mhane. || 34 ||
Taisa Kujati Mi Amangal. Pari Tujha Mhanavito Keval.
Kanya Deuniya Kula. Mag Kay Vicharave. || 35 ||
Janata Asatana Apradhi Nar. Tari Ka Kela Angikar.
Angikarvari avher. Samarthe Kela Na Pahije. || 36 ||
Dhav Pav re Govinda. Hati Ghevonia Gada.
Kari Mazhya Karmacha Chenda. Sachidananda Srihari. || 37 ||
Tujhiya Namachi Aparimit Shakti. Tethe Mazhi Pape Kiti.
Krupaluva Lakshmipati. Barave Chitti Vichari. || 38 ||
Tuje Nam Patitpavan. Tuje Nam Kalimaldahan.
Tuje Nam Bhavtaran. Sankatanashan Nam Tujhe. || 39 ||
Ata Prarthana Aik Kamalapati. Tuje Nami Raho Majimati Mati.
Hench Magto Pudhat Pudhati. Paranjoyti Vyankatesha. || 40 ||
Tu Anant Tuji Anant Name. Tayamaji Ati Sugame.
Ti Mi Alpmatipreme. Smaruni Prarthana Karitase. || 41 ||
Shrivyankatesha Vasudeva. Pradyumna Ananta Keshava.
Sankarshana Shridhara Madhav. Narayana Adriimurti. || 42 ||
Padmanabha Damodara. Prakashgahana Paratpara.
Adi Anadi Vishwambhara. Jagaduddhara Jagdisha. || 43 ||
Krishna Vishno Hrishikesha. Aniruddha Purushotma Paresha.
Nrsimha Vaman Bhargavesha. Baudha Kalki Nijamurti. || 44 ||
Anatharakshaka Adipurusha. Purnabrahma Sanatan Niradosha.
Sakalmangala Mangaladhisha. Sajjanjeevana Sukhamurti. || 45 ||
Gunatita Gunajna. Nijbodharupa Nimagn.
Shuddha Satvik Sujna. Gunaprajna Parameshvara. || 46 ||
Shrinidhi Shrivatsalachanadhara. Bhayakrudbhayanashana Giridhara.
Dushtadaityasamharakara. Veera Sukhakara Tu Ek. || 47 ||
Nikhil Niranjana Nirvikara. Vivekaravani Vairagara.
Madhumuradaityasamharakara. Asuramardana Ugramurti. || 48 ||
Shankhachakra Gadadhara. Garudavahana Bhaktpriyakara.
Gopimanaranjana Sukhakara. Akhandit Svabhavae. || 49 ||
Nananatakasutradhariya. Jagadvyapaka Jagadvarya.
Kripasamudra Karunalaya. Munijanadhyeya Mulamurti. || 50 ||
Shehsa Shayna Sarvabhoma. Vaikunthavasiya Nirupama.
Bhaktakaivariya Gunadham. Pava Amha Ye Samayi.||51||
Aisi Prarthana Karuni Devidas. Antari Aathvila Shri Vyenkatesh.
Smarata Hridayi Praktala Eesh. Tyasukhasi Par Nahi.||52||
Hrudyi Avirbhavali Murti. Tyasukhachi Aloukik Sthiti.
Apule Apan Shripathi. Vachehati Vadavitashe.||53||
'Te' Swaroop Atyant Sundar. Shroti Shravan Kije Sadar.
Sanvali Tanu Sukumar. Kunkumakar Pad Padme.||54||
Surekh Saral Angola. Naken Jaisi Chandrekh.
Ghotiwa Suneel Apurva Dekha. Indraneelachiyepari.||55||
Charani Vale Ghagariya. Vanki Vartya Gujariya.
Saral Sundar Potariya. Kardalistambhachiyaepari.||56||
Gudghe Mandia Janusthal. Katitatiti Kinkini Vishal.
Khalte Vishwautpattisthal. Vari Jhalez Sonzala.||57||
Kativate Navhisthan. Jethoni Brahma Zhala Utpan.
Udari Trivali Sobha Gahan. Trailokya Sampurn Jayamaji.||58||
Vakshasthali Sobhe Padak. Pahoni Chandrama Adhomukh.
Vaijayanti Kari Lakh lakh. Vidyullatechiyaepari.||59||
Hridayi Shrivast Lanchan. Bhushan Mirvi Shibhagwan.
Tayavarte Kanthshtan. Jayasi Munijana Avalokiti.||60||
Ubhaya Bahudand Saral. Naken Chandraparis Tejal.
Shobati Donhi Kar Kamal. Ratotpalachiyaepari.||61||
Managati Virajate Kankane. Bahuwatee Bahubhushane.
Kanthi Leili Aabharane. Suryakirne Ugavli.||62||
Kanthavrute Mukhkamal. Hanuwati Atyant Suneel.
Mukhchandrama Atinirmal. Bhaktasnehala Govinda.||63||
Donhi Adharamaji Dantpankti. Jivha Jaisi Lavanyajyoti.
Adhar amritprapticahi gati. Te Sukha Jane Lakshmi.||64||
Saral Sundar Nasik. Jethe Pawanasi Zhale Sukh.
Gandasthliche Tej Adhik. LakhLakhit Dohi Bhagi.||65||
Tribhuvaniche Tej Ekawatle. Barweppan Sigesi Ale.
Donhi Pathyanni Dhari Le. Tech Netra Shrihariche.||66||
Venkata Bhrukutia Suneela. Karnadvayachi Abhinav Leela.
Kundalanchya Phankate Kala. To Sukhasohala Aloukik.||67||
Bhal Vishal Surekh. Varati Sobhe Kasturitilak.
Kesh Kurla Aloukik. Mastakavari Shobhati.||68||
Mastaki Mukut Ani Kireeti. Sobhovati Jhilmilyachi Dati.
Tyavari Mayurpicchhanchi Veti. Aisa Jagjethi Dekhila.||69||
Aisa Tu Devadhidev. Gunatit Vasudev.
Mazhi Bhakti Stav. Sagun Roop Zhalaasi.||70||
Aataan karu tuzi pooja, Jagajjeevana adhokshaja,
Aarsha bhaavarth ha majha, tuj arpan kela ase. ||71||
Karuni panchaamritsnaan, Shuddhaamrit vari ghaloon,
Tuj karu mangalsnaan, purushsooktekruniya. ||72||
Vastre aani yajnyopavita, tujalaagi karu preetyarth,
Gandhaakshata pushe bahut, tujalaagi samarpu. ||73||
Dhoop deep naivedya, fal tambula dakshina shuddha,
Vastre bhooshane gomed, Padmaraagadhikaruni. ||74||
Bhaktavatsala govinda, hi pooja angikaaravi paramananda,
Namaskaruni paadaravinda, mag pradakshina aarambhili. ||75||
Aisa shodashopachare bhagavant, yathavidhi pujila hridayant,
Mag prarthana aarambhili bahut, varaprasad magavaya. ||76||
Jayjayaji shrutishastraagama, jayjayaji gunaatita parabrahma,
Jayjayaji hridayavasiya rama, jagaduddhara jagadguru. ||77||
Jayjayaji pankajaksha, jayjayaji kamaladhisha,
Jayjayaji poornaparesha, avyaktavakta sukhmurti. ||78||
Jayjayaji bhaktarakshaka, jayjayaji vaikunthanayaka,
Jayjayaji jagpaalaka, bhaktansi sakha tu ek. ||79||
Jayjayaji niranajna, jayjayaji paraatparagahna,
Jayjayaji shunyaatit nirguna, parisavi vijnapan ek majhi. ||80||
Majalagi dei aisa var | Jenen ghadel paropkar |
Heni magane sachar | Vaar-vaar prarthitse ||81||
Ha granth jo pathan kari | Tyasi dukh nase sansari |
Pathanmatre charachari | Vijayi kari jagate ||82||
Lagnarthyache vhaven lagn | Dhanarthyasi vhaven dhan |
Putrarthyache manorath poorn | Putra deuni karave ||83||
Putra vijayi ani pandit | Shatayushi bhagyavant |
Pitrsevesi atyant rat | Jayache chitt sarvakal ||84||
Udar ani sarvagya | Putra dei bhakta-la-goon |
Vyadhishtanchi peeda haran | Tatkal kije Govinda ||85||
Kshay apasmar kushtadi rog | Granthpathane sarava bhog |
Yogabhyasiyasi yoga | Pathanmatre sadhava ||86||
Daridri vhava bhagyavant | Shatrucha vhava ni:paat |
Sabha vhavi vash samast | Granthpathanekaruniya ||87||
Vidyarthiyasi vidya vhavi | Yuddhi shastre na lagavi |
Pathne jagat kirti vhavi | Sadhu sadhu mhanoniya ||88||
Ati vhave mokshsadan | Aise prarthanasee dije man |
Evdhe magto varadan | Krupnidhe Govinda ||89||
Prasann jhala Vyankatraman | Devidasasi didhale varadan |
Granthakshri maze vachan | Yatharth jan nishchayesi ||90||
Granthi dharoni vishwas | Pathan kariyal raatrandivas |
Tyalaagi mi jagdeesh | Kshan ek na visambe ||91||
Ichcha dharoni karil pathan | Tyache sangto mi praman |
Sarv kamanensi sadhan | Pathan ek mandal ||92||
Putrararthiyane tin maas | Dhanarthiyane ekvis divas |
Kanyarthiyane shanmaas | Granth aadare vachva ||93||
Kshay apasmar kushtadi rog | Ityadi sadhane prayog |
Tyasi ek mandal sang | Pathanekaruni karyasiddhi ||94||
He vakya mazhe nemast | Aise bolila shreebhagwant |
Sach na mani jayache chitt | Tyasi adh:paat satya hoy ||95||
Vishwas dharil granthpathani | Tyasi krupa karil chakrapani |
Var didhala krupa karuni | Anubhave kalo yeil ||96||
Gajendrachiya akantaasi | Kaisa pavla hrushikeshi |
Pralhada chiya bhavarthasi | Stambhatooni pragatla ||97||
Vajraasaathi govinda | Goverdhanparamananda |
Uchaloniyaswanandkanda | Sukhi kele tayi veli||98||
Vatsache pari bhaktansi | Mohe panhawe dhenu jaisi |
Matechya snehtulanansi | Tyachpari ghadle se ||99||
Aisa tu majha daatar | Bhaktansi ghalisi krupechi pakhar |
Ha tyach niradhar| Anathanath naam tuzhe ||100||
Sure, here's this passage in Hinglish:
Shree Chaitanya Krupa Alokik | Santoshoni Vaikunthanayak |
Var Didhla Alokik | Jene Sukh Sakalansi ||101||
Ha Granth Lihita Govind | Ya Vachani Na Dharaava Bhed |
Hridayi Vase Paramanand | Anubhav Siddh Sakalansi ||102||
Ya Granthicha Itihaas | Bhave BoliLa Vishnudas |
Anik Na Lagatee Sayas | PathanMatre Karyasiddhi ||103||
Parvatis Updeshi Kailasanayak | Purnanand Premsukh |
Tyacha Paar Na Janatee Brahmadik | Muni Suravar Vismit ||104||
Pratyaksh PragateL Vanmali | Trailokya Bhajat Trikaali |
Dhyatee Yogi Aani Chandramauli | SheshadriParvatee Ubha Ase ||105||
Devdas Vinavi Shrotyan Chaturan | PrarthanaShatak Pathan Kara |
Javaya Mokshachya Mandira | Kaheen Na Lagatee Sayas ||106||
EkagraChitte Ekanti | Anushtaan Kijey MadhyyaRati |
Baisonia SwasthaChitte | Pratyaksh Moorti Pragatel ||107||
Tethe Dehbhavasi Nure Thav | Avgha Chaturbhuj Dev |
Tyache Charani Thevoni Bhav | VarPrasad Magava ||108||
Iti ShreeDevdasVirchitam ShreeVyankateshStrotram Sampurnam
||Shree VyankateshArpanMastu ||
Venkatesh Stotra Images And PDF
Venkatesh Stotra Images
Venkatesh Stotra Pdf Free Download
Book A Real Celebrity Itself To Chant Venkatesh Stotra For You !
Imagine getting a special video of Venkatesh Stotra sung by your favourite popular singers? Yes it is possible to make singers like, Shankar Mahadevan, Aarya Ambekar, Rekha Bhardwaj, Vaishali Samant, Sonu Kakkar, and Kishori Shahane to chant a stotram for you.
Pick a celebrity you like, tell them the stotra/ aarti/ chalisa you want them to sing, get your video and finally share it with your loved ones or use it for your every aarti session !
Tring helps you book a personalised video stotra for your loved ones on the special occasion of Venkatesh Pooja and many more ocassionns. You can choose from the celebrities mentioned below or on the Book Your Strotram Video button.
Birthday Gifts
Anniversary Gifts
Women
Men
Wedding Gifts
Search from 12000+ celebs
We now support international payments
